چین کا شنگھائی سمیت مختلف علاقوں میں کھلے پن کے فروغ کے لئے تین اہم پالیسیوں کا اعلان!

چین نے پانچ نومبر کو شنگھائی سمیت علاقوں میں کھلے پن کے فروغ کے لئے تین اہم پالیسیوں کا اعلان کیا ہے۔

چین کے صدر شی جن پھنگ نے شنگھائی میں کہا کہ چین شنگھائی آزاد تجارتی زون کا نیا علاقہ قائم کرے گا۔ جس کے ذریعے سرمایہ کاری اور آزاد تجارت کے حوالے سے سہولتوں سے متعلق تجربات کو ملک بھر میں متعارف کرنے کے لئے شنگھائی کی حوصلہ افزائی اور حمایت کی جائے گی۔ شنگھائی سٹاک ایکسچینج میں سائنسی و ٹیکنالوجی کی تخلیق کا سیکٹر اور رجسٹریشن کا نظام قائم کیا جائے گا۔ شنگھائی بین الاقوامی مالیاتی مرکز اور ٹیکنالوجی انوویشن سینٹر کی تعمیر میں معاونت کی جائے گی۔ اس کے ساتھ ساتھ، شنگھائی، زے جیانگ اور جیانگ سو سمیت دریائے یانگسی کے ڈیلٹا علاقے کی ترقی کو قومی حکمت عملی کے تحت فروغ دینے کی حمایت کی جائے گی۔ جس سے دی بیلٹ اینڈ روڈ کی تعمیر ، بیجنگ تھیان جن حے بے کی ترقی، دریائے یانگسی کی اقتصادی پٹی کی ترقی اور گوانگ دونگ ہانگ کانگ مکاؤ گرینڈ بے ایریا کی ترقی کو ہم آہنگی سےفروغ دیا جائے گا اور چین میں اصلاحات و کھلے پن کےڈھانچے کو بہتر بنایا جائے گا۔

یہ خبر پڑھیئے

ملک کے بیشتر حصوں میں گرج چمک کے ساتھ بارش کا امکان ہے، محکمہ موسمیات

محکمہ موسمیات کے مطابق آئندہ 24 گھنٹوں کے دوران خیبرپختونخوا، بالائی پنجاب، بلوچستان، سندھ، کشمیر …

اپنا تبصرہ بھیجیں

Show Buttons
Hide Buttons