پاکستان میں کاروباری سرگرمیوں اور سرمایہ کاری کے بے پناہ مواقع ہیں، وزیر مملکت

پاکستان میں کاروباری سرگرمیوں اور سرمایہ کاری کے بے پناہ مواقع ہیں، وزیر مملکت

وزیر مملکت برائے پٹرولیم مصدق ملک نے کہا ہے کہ پاکستان میں کاروباری سرگرمیوں اور سرمایہ کاری کے بے پناہ مواقع ہیں، پائیدار معاشی ترقی کیلئے پالیسیوں کا تسلسل ناگزیر ہے، مستقبل میں نینو اور بائیو ٹیکنالوجی کا استعمال بہت اہم ہوگا۔

جمعرات کو اسلام آباد بزنس سمٹ سے خطاب کرتے ہوئے انہوں نے کہا کہ بہتر تعلیم، بہتر حقوق اور بہتر آزادیاں بنیادی انسانی ضرورت ہیں، کسی بھی معاشرے یا ملک کی ترقی کیلئے اہداف کا تعین اہم ہوتا ہے، جدید ٹیکنالوجی کا آج کی دنیا میں استعمال ایک حقیقت بن چکا ہے اور ٹیکنالوجی کے بغیر آگے بڑھنا ناممکن ہے۔

انہوں نے کہا کہ دنیا میں تیزی سے تبدیلیاں رونما ہو رہی ہیں لیکن 2022ء میں بھی بنیادی صحت، بنیادی تعلیم کے حصول اور خواتین کے حقوق کے حوالہ سے سوالات کئے جا رہے ہیں، ان تمام معاملات کو حل کرنے اور اپنے اہداف اور مقاصد کے حصول کیلئے سیاسی عزم اور یقین کی بہت اہمیت ہے۔

انہوں نے کہا کہ توانائی کے شعبہ میں بھی اگر ہم دیکھیں تو صورتحال تبدیل ہو رہی ہے اور مستقبل میں ضروریات زندگی کا انحصار پائیدار اور شفاف توانائی ہی ہوگا، ملکی ترقی کیلئے تعلیم اور کاروباری سرگرمیوں کا فروغ بہت ضروری ہے، پائیدار معاشی ترقی کیلئے پالیسیوں کا تسلسل ناگزیر ہے، معاشی شعبہ میں آگے بڑھنے کیلئے جدید ٹیکنالوجی کو بروئے کار لانے کی ضرورت ہے کیونکہ آج کے دور میں ٹیکنالوجی کے بغیر ترقی ناممکن ہے۔

یہ خبر پڑھیئے

اسلام آباد کی پرُ رونق فضاء میں چینی نئے سال کی خوشیاں

اسلام آباد کی پرُ رونق فضاء میں چینی نئے سال کی خوشیاں

Show Buttons
Hide Buttons