تازہ ترین

افغان لویہ جرگہ کا عالمی برادری سے طالبان حکومت تسلیم کرنے کا مطالبہ

افغانستان میں تین روزہ لویہ جرگہ ختم ہو گیا، شرکا نے عالمی برادری سے ایک مرتبہ پھر طالبان حکومت تسلیم کرنے کا مطالبہ کیا۔

افغان میڈیا کے مطابق لویہ جرگہ میں مختلف قراردادیں منظور کی گئیں۔ قراداد میں مطالبہ کیا گیا کہ تمام ممالک خصوصاً اسلامی ملک، امارت اسلامی افغانستان کو تسلیم کریں۔ قرارداد میں کہا گیا کہ عالمی برادری افغانستان پر تمام پابندیاں ختم کر کے افغان اثاثے بحال کرے۔ شرکا نے اتفاق کیا کہ موجودہ افغان حکومت کے خلاف مسلح مخالفت بغاوت تصور کی جائے گی۔

لویہ جرگہ میں منظور کی گئی قرارداد کے مطابق افغانستان میں قومی اتحاد کو ترغیب دینے پر مکمل اتفاق رائے پایا گیا۔ قرارداد میں کہا گیا کہ امارت اسلامی کی دوسرے ممالک میں مداخلت کی پالیسی نہیں، دوسرے ممالک بھی افغانستان کے معاملات میں مداخلت نہ کریں۔ افغان رہنماؤں نے کہا کہ منشیات کے خلاف امارت اسلامی کے فرمان کی حمایت ہونی چاہیے۔

واضح رہے کہ لویہ جرگہ میں 4 ہزار سے زائد علما، سیاسی، سماجی اور کاروباری شخصیات نے شرکت کی۔

یہ خبر پڑھیئے

پیلوسی کی "جمہوری" کڑوی گولی پر امریکی بھی ناراض ہیں، سی ایم جی کا تبصرہ

پیلوسی کی “جمہوری” کڑوی گولی پر امریکی بھی ناراض ہیں، سی ایم جی کا تبصرہ

امریکی ایوان نمائندگان کی اسپیکر نینسی پیلوسی نے حال ہی میں تائیوان کا دورہ کرتے …

Show Buttons
Hide Buttons