میکسیکو میں فٹبال میچ کے شائقین گتھم گتھا، 17 ہلاک اور 22 زخمی

وسطی میکسیکو میں فٹ بال میچ کے دوران شائقین گتھم گتھا ہوگئے جس کے نتیجے میں 17 افراد ہلاک اور 22 افراد زخمی ہوگئے۔

میکسیکو کی فٹ بال لیگ میں کوئری ٹارو اور اٹلاس کے مابین کھیل کو شروع ہوئے 62 منٹ ہوئے تھے کہ اس دوران دونوں ٹیم کے شائقین لڑ پڑے، زخمی ہونے والے افراد میں 2 کی حالت تشویشناک ہے۔ اس دوران سیکیورٹی عملے نے فٹ بال گراؤنڈ کے تمام مرکزی اور ذیلی دروازے کھول دیے تاکہ شائقین بشمول خواتین اور بچے نکل سکیں۔ اس حوالے سے مزید بتایا کہ ہلاک ہونے والوں کی تصدیق تاحال نہیں ہوسکی ہے۔

لیگ نے اپنے آفیشل ٹویٹر اکاؤنٹ پر ایک پیغام میں واقعے کی مذمت کی۔ لیگ کے صدر میکل ایریولا نے کہا کہ کھیل دوبارہ شروع نہیں ہوگا۔ انہوں نے کہا کہ اسٹیڈیم میں سیکیورٹی کی کمی کے ذمہ داروں کو سزا دی جائے گی۔

سوشل میڈیا پر وائرل ہونے والی متعدد ویڈیوز میں چونکا دینے والے مناظر ہیں جس میں متعدد شائقین کو خون آلود حالت میں دیکھا جبکہ بعض کو برہنہ دیکھا جاسکتا ہے۔ ایک ویڈیو میں دیکھا گیا کہ زمین پر لیٹے ایک شخص پر متعدد دیگر شائقین بدترین تشدد کا نشانہ بنارہے ہیں اور اس دوران سیکیورٹی کا عملہ بھی وہاں موجود نہیں ہے۔

یہ خبر پڑھیئے

اوپیک پر کمزور ہوتی امریکی گرفت

اوپیک پر کمزور ہوتی امریکی گرفت

اپنا تبصرہ بھیجیں

Show Buttons
Hide Buttons