تازہ ترین

بلوچستان کابینہ تحلیل، عبدالقدوس بزنجو نئے وزیر اعلیٰ ہوں گے

وزیراعلیٰ بلوچستان جام کمال کے استعفیٰ کی منظوری کے بعد کابینہ تحلیل ہوگئی۔ عبدالقدوس بزنجو کو نیا وزیراعلیٰ بنانے کا فیصلہ کر لیا گیا۔

وزیراعلیٰ جام کمال کے استعفے کی منظوری کے بعد چیف سیکرٹری بلوچستان نے صوبائی کابینہ تحلیل کرنے کا نوٹیفکیشن جاری کردیا۔ بلوچستان اسمبلی کا اجلاس کچھ دیر بعد ہوگا- اجلاس کی صدارت اسپیکر بلوچستان اسمبلی میرعبدالقدوس بزنجو کریں گے۔ اجلاس میں جام کمال کے خلاف تحریک عدم اعتماد واپس لی جائے گی۔

ذرائع کے مطابق بی اے پی کے ناراض ارکان نے عبدالقدوس بزنجو کو نیا وزیر اعلیٰ اور جان جمالی کو نیا اسپیکر منتخب کرنے کا فیصلہ کیا ہے۔ بلوچستان اسمبلی کے اسپیکر عبدالقدوس بزنجواسمبلی اجلاس کے بعد مستعفی جائیں گے۔ بلوچستان عوامی پارٹی کے رکن جان جمالی کو نیا اسپیکر منتخب کیا جائے گا۔ بلوچستان کے نئے وزیر اعلیٰ کے انتخاب کیے نیا اجلاس بلایا جائے گا -جس میں عبدالقدوس بزنجو کو بطور نیا وزیر اعلیٰ بلوچستان منتخب کیا جائے گا۔

واضح رہے کہ وزیر اعلیٰ بلوچستان جام کمال اپنے خلاف تحریک عدم اعتماد لائے جانے اور اپوزیشن اور ناراض اراکین کی جانب سے نمبرز پورے ہونے پر عہدے سے مستعفیٰ ہو گئے ہین۔ چند روز قبل بلوچستان اسمبلی میں بلوچستان عوامی پارٹی کے ناراض اراکین اور اپوزیشن کی جانب سے وزیراعلیٰ بلوچستان کے خلاف تحریک عدم اعتماد پیش کی گئی تھی۔ 65 رکنی ایوان میں سے 33 نے تحریک کے حق میں ووٹ دیا تھا۔ تحریک عدم اعتماد پر رائے شماری آج ہونا تھی۔

یہ خبر پڑھیئے

سندھ: تعلیمی اداروں میں موسم سرما کی تعطیلات کا اعلان کر دیا گیا

سندھ: تعلیمی اداروں میں موسم سرما کی تعطیلات کا اعلان کر دیا گیا

سندھ حکومت نے صوبے بھر کے سرکاری و نجی تعلیمی اداروں میں موسم سرما کی تعطیلات کا اعلان …

اپنا تبصرہ بھیجیں

Show Buttons
Hide Buttons