اگلے مالی سال کا وفاقی بجٹ ترقی کا بجٹ ہے، وزیراعظم

ملکی معیشت نہ صرف مستحکم ہوئی ہے بلکہ یہ ترقی کی طرف گامزن ہے، وزیراعظم

وزیراعظم عمران خان نے کہا ہے کہ اگلے مالی سال کا وفاقی بجٹ ترقی کا بجٹ ہے جس سے نہ صرف معیشت مزید مستحکم ہو گی بلکہ زراعت، صنعت اور تعمیرات سمیت معیشت کے اہم شعبوں کو فروغ حاصل ہو گا۔

پیر کے روز اسلام آباد میں پارٹی کے ترجمانوں کے اجلاس میں گفتگو کرتے ہوئے انہوں نے اطمینان کا اظہار کیا کہ ملکی معیشت نہ صرف مستحکم ہوئی ہے بلکہ یہ ترقی کی طرف گامزن ہے۔وزیراعظم نے کہا کہ ایسے میں جب عالمی معیشت کورونا کے باعث بری طرح متاثر تھی، پاکستان نے ایک کامیاب حکمت عملی کے تحت معاشی سفر طے کیا۔اہم ترجیحات کا ذکر کرتے ہوئے عمران خان نے کہا کہ ملک کو درپیش مسائل پر موثر انداز میں قابو پانے کے عزم کے ساتھ حکومتی نے کامیاب جوان پروگرام، صحت کارڈ، ٹین بلین ٹری سونامی، سائنس اور ٹیکنالوجی کی ترقی، غربت کے خاتمے اور روزگار کے مواقع پیدا کرنے پر توجہ دی۔

انہوں نے کہا کہ حکومت یہ بات یقینی بنانے کے لئے کوششیں کر رہی ہے کہ بجٹ معاشرے کے ہر طبقے کیلئے امید کی کرن ثابت ہو۔وزیراعظم نے پارٹی کے ترجمانوں کو ہدایت کی کہ وہ بجٹ کے اہم نکات سے متعلق عوام کو مکمل آگاہی فراہم کریں تاکہ غلط فہمیاں پیدا کرنے کی کوشش کرنے والے عناصر کامیاب نہ ہو سکیں۔

یہ خبر پڑھیئے

ڈاکٹر ثانیہ نشتر کی ورلڈ بینک کے ریجنل نائب صدر سے ملاقات

ڈاکٹر ثانیہ نشتر کی ورلڈ بینک کے ریجنل نائب صدر سے ملاقات

 وزیراعظم کی معاون خصوصی ڈاکٹر ثانیہ نشتر کی ورلڈ بینک کے ریجنل نائب صدر برائے …

اپنا تبصرہ بھیجیں

Show Buttons
Hide Buttons