سی پیک نے جنوبی ایشیا، وسطی ایشیا اور مغربی ایشیا میں انٹرکنیکشن کو مضبوط بنایا ہے، نونگ رونگ

پاکستان میں چین کے سفیر نونگ رونگ نے حال ہی میں چائنا میڈیا گروپ کو انٹرویو دیتے ہوئے کہا کہ چین اور پاکستان کو “چودہویں پانچ سالہ منصوبے” سے فائدہ اٹھاتے ہوئے اپنی اپنی خوبیوں کو بروئے کار لاتے ہوئے مشترکہ مفادات پر مبنی تعاون کو فروغ دینا چاہیئے اور مل کر علاقائی انٹرکنیکشن اورامن و ترقی کو فروغ دینا چاہیے۔

نونگ رونگ نے کہا کہ چین اور پاکستان اپنی اپنی خوبیاں رکھتے ہیں اوردونوں ملکوں کے درمیان بنیادی تنصیبات، تجارت، صنعت اور زراعت سمیت دیگر شعبوں میں قریبی تعاون برقرار ہے۔ چودہویں پانچ سالہ منصوبے پرعمل کے دوران دونوں ممالک کو نئےترقیاتی ڈھانچے کی تشکیل کرنی چاہیئے جس سے نہ صرف چین کی اقتصادی ترقی کو فروغ ملے گا، بلکہ پاکستان کو مزید گنجائش، مزید کھلا تجارتی ماحول اور مزید مواقع میسر آئیں گے۔ گزشتہ چھ سال سے چین مسلسل پاکستان کا سب سے بڑا تجارتی شراکت دار رہا ہے اور سات سال سے پاکستان میں سب سے زیادہ سرمایہ کاری کررہا ہے۔

رواں سال چین پاکستان کے سفارتی تعلقات کے قیام کی سترویں سالگرہ منائی جا رہی ہے۔ چینی سفیر نونگ رونگ نے کہا کہ پاکستان میں چینی سفارتخانہ اس موقع سے فائدہ اٹھاتے ہوئے چین پاکستان تعاون کو مزید فروغ دینے کی کوشش کرے گا۔ نونگ رونگ نے مزید کہا کہ امید ہے کہ چین پاکستان انسداد وبا کا تعاون عالمی انسداد وبا کے تعاون کی مثال بنے گا۔

انہوں نے کہا کہ سی پیک نے جنوبی ایشیا، وسطی ایشیا اور مغربی ایشیا میں انٹرکنیکشن کو مضبوط بنایا ہے اور مشترکہ ترقی کو فروغ دیا  ہے۔انہوں نے کہا کہ سی پیک کے تعاون میں تیسری فریق کی شرکت  کا خیرمقدم  کیا جاتا ہے۔

یہ خبر پڑھیئے

بلوچستان میں دہشتگردی، ایف سی کے 3 اہلکار شہید

بلوچستان میں دہشتگردی، ایف سی کے 3 اہلکار شہید

بلوچستان میں دہشت گردی کے 2 واقعات میں ایف سی کے 3 اہلکار شہید اور …

اپنا تبصرہ بھیجیں

Show Buttons
Hide Buttons