Dosti Channel FM 98 Voice of Friendship
پاکستان اور متحدہ عرب امارات نے مختلف شعبوں میں اقتصادی تعاون اور باہمی تجارت کے فروغ کے لئے تجارتی وفود کے تبادلوں پر اتفاق کیا ہے۔
یہ اتفاق رائے ابوظہبی میں وزیر خارجہ شاہ محمود قریشی اور متحدہ عرب امارات کے وزیر مملکت احمد علی ال Sayegh کے درمیان ملاقات میں طے پایا۔ مذاکرات میں معاشی اورتجارتی شعبوں میں وسیع تر تعاون پرتبادلہ ٔ خیال کیا گیا۔
شاہ محمود قریشی نے متحدہ عرب امارات کے لئے پاکستان میں دستیاب سرمایہ کاری کے بے پناہ مواقع اجاگر کئے جنہیں دونوں ملکوں کے درمیان تجارتی روابط کے ذریعے بروئے کار لایا جا سکتا ہے۔ وزیر خارجہ نے متحدہ عرب امارات کے وزیر مملکت کو بھارت کے غیرقانونی زیر قبضہ جموں و کشمیر میں بڑے پیمانے پرانسانی حقوق کی خلاف ورزیوں، افغان امن عمل اورخطے کی سلامتی کی صورتحال سے بھی آگاہ کیا۔
