بھارت میں نئے زرعی قوانین کیخلاف پنجاب، ہریانہ، دلی، راجستھان اور اترپردیش کے کسانوں کا احتجاج جاری ہے۔

حکومت کی جانب سے مطالبات نہ ماننے پر کسانوں نے دارالحکومت دہلی کے اہم ہائی ویز جام کر کے آمد ورفت پوری طرح سے بند کرنے کی دھمکی دے دی ہے۔ کسانوں کا مطالبہ ہے کہ انہیں دہلی کے مرکزی علاقے جنتر منتر پر احتجاج کرنے کی اجازت دی جائے۔

کسانوں کا کہنا ہے کہ ان کے پاس کافی راشن ہے اور وہ  چار مہینے تک سڑک پر بیٹھ سکتے ہیں۔ احتجاج میں شریک کسان گزشتہ چار دنوں سے دلی کی سرحد پر موجود ہیں۔ کسانوں کی وارننگ کے بعد دلی غازی آباد سرحد پر پولیس نے مضبوط رکاوٹیں کھڑی کردی ہیں۔