خیرسگالی پر مبنی اقدامات جتنے زیادہ ہوں، اتنے ہی بہتر ہیں، سی آر آئی کا تبصرہ

خیرسگالی پر مبنی اقدامات جتنے زیادہ ہوں، اتنے ہی بہتر ہیں، سی آر آئی کا تبصرہ

تیرہ ستمبر کو چین کی جانب سے کہا گیا ہے کہ چین نے امریکہ سے کچھ مقدار میں سویا بین سمیت دیگر زرعی مصنوعات خریدنے کے لئے متعلقہ اداروں کی حمایت کی ہے اور ریاستی کونسل کا کسٹمز ٹیرف کمیشن ان مصنوعات کی خریداری کے لئے انہیں اضافی ٹیرف سے استثنا دے گا۔

سی آر آئی نے اس حوالے سے ایک تبصرہ شائع کیا ہے کہ یہ اقدام خیرسگالی کا ایک واضح اشارہ ہے جس سے مسائل کے حل کے لئے چین کے مخلصانہ رویے کا اظہار بھی ہوتا ہے۔ یاد رہے کہ چین نے ان امریکی مصنوعات کی پہلی فہرست جاری کی ہے جنہیں اضافی محصولات سے استثنا دیا گیا ہے، امریکہ نے بھی چین پر اضافی ٹیرف کے اطلاق کو ملتوی کا اعلان کیا ہے۔ دونوں ممالک کے درمیان خیرسگالی کے ان اقدامات سے ظاہر ہوتا ہے کہ دونوں فریقین کا رخ ایک مثبت سمت کی جانب ہو رہا ہے اور دونوں، اعلی سطحی اقتصادی و تجارتی مذاکرات کے تیرہویں دور کے لئے سازگار ماحول کی فراہمی کے لئے کوشش کر رہے ہیں۔

چین اور امریکہ کے مابین اقتصادی و تجارتی مسائل کافی پیچیدہ ہیں اور ان مسائل کے حل کے لئے خلوص اور خیرسگالی پر مبنی ٹھوس اقدامات کی ضرورت ہے۔ امید ہے کہ دونوں فریق کے یہ اقدامات مذاکرات کے فروغ میں اہم کردار ادا کریں گے اور دونوں ممالک باہمی مفادات پر مبنی معاہدے تک پہنچیں گے۔

اپنا تبصرہ بھیجیں